Mkutano Mkubwa wa Injili wa CASFETA-SJUTDSM

CASFETA tawi la Chuo Kikuu St. John's Dar Es Salaam limeandaa mkutano mkubwa wa Injili kama tangazo linavyoeleza. Kila mtu anakaribishwa kwani Bwana Yesu atakuwa anashughulia afya, uchumi na hali zote za mwanadamu, (Holisitic ministry).

Nionavyo juu Muundo wa Muungano wa Tanzania

Kwanza napendekeza serikali ya Muungano wa kuwa na serikali moja yenye majimbo na magavana. Mfano Marekani kwani ndio mfano wa muungano bora uliodumu kwa muda mrefu na pia hauna gharama kubwa kama shirikisho la serikali tatu
Pia serikali tatu itatugawa zaidi.
Kama ikishindikana basi iwe shirikisho la serikali tatu lakini kwa masharti ya kurejesha serikali Tanganiyika kwani inashangaza kuzungumzia Tanzania bara na Zanzibar tunajua fika kuwa hakuna serikali ya tanzania bara isipokuwa baada ya Muungano wa Tanganyika na Zanzibar na kuunda Tanzania. hivyo basi kama inarejeshwa Zanzibar basi irejeshwe na Tanganyika.
Tafadhali toa maoni yako kwenye kiunga kulia.

GEOGRAPHY PARTY SJUT-DSM FULL JOY

Students completing bachelor degree in Geography subject at St. John's University of Tanzania (SJUT) -Dar es Salaam have a big party at LT 7 on Wednesday 10.07.2013. The party was arranged accordingly to share ideas and joy among students and Geography department staffs. Here are photos showing how the party was interesting.

Graduants enjoying bites

John Janet, Papalika and madam Florida sharing ideas

Former Geography CR Kabuta acknowledging

Students pay attention to speech from geography lecturers

Popular student Sweke going to give the gift to Mr Baitu

Lecturers share ideas

Tusekelege, a popular students according her bantu name enjoying soft drink

Bites make geographers get together, here Peter Kapagi-KII director and other students sharing bites

Hot welcome to lectures

Unity photos

Lecturer Magava under critical thinking

High table under lecturer Mr Baitu was full of beautiful Flowers

Gift to Mr Magava provided by CR Jackline on behalf of Geographers

Madam adelina (3rd from right) among of the geography students wondering the goodness of the party.
Photos taken by James Mgeni under Kapagi Info Institute-KII

KUNYWA MAFUTA YA UBUYU NI HATARI!

TFDA imebaini kuwa mafuta ya ubuyu yana tindikali inayosababisha saratani katika mwili wa binadamu. Tahadhari hiyo imetolewa kwenye maonyesho ya Sabasaba yanayofanyika jijini Dar es Salaam. 

Kwa habari zaidi bofya hapa

http://www.habarileo.co.tz/index.php/habari-za-kitaifa/13865-mafuta-ya-ubuyu-ni-dawa-hatari 

Ndege Boeing 777 yaanguka Marekani

Habari mpasuko kutoka shirika la habari CNN zinaripoti kuwa ndege kubwa aina ya Boeing 777 ya kiasia imeanguka ilipokuwa ikitua uwanja wa ndege wa Kimataifa wa San Frasinco marekani. Moshi mweuzi umeoneka ukifuka kutoka ndege ilipoanguka na bado hakujaripotiwa ikiwa kuna majeruhi au vifo vyovyote.
Kwa habari zaidi kwa lugha ya kiingereza unaweza tembelea http://www.cnn.com/2013/07/06/us/california-plane-incident/index.html?hpt=hp_t1

MAHAFALI YA KWANZA CASFETA TAYOMI CHUO KIKUU ST.JOHN'S DSM YAFANA

Hatimaye mahafali kwanza ya CASFETA Chuo Kikuu St. John's-Dar es Salaam yamefanyika Jumamosi, tar 29.06.2013 ukumbi wa Mary Peake. Mahafali hayo yalikuwa kwa ajili kuwaaga wahitimu wa shahada ya kwanza ya sanaa na elimu, biashara, uchumi na theolojia. Mgeni rasmi katika mahafali hayo alikuwa Ndg Christopher Ngubiageya Katibu (M) Vyuo Vikuu (CCM). Mgeni rasmi pamoja na mambo mengina alisisitiza juu ya kujiajiri badala ya kutegemea kuajiriwa lakini pia umuhimu wa vijana kushiriki katika siasa na uongozi ili kujenga taifa, kuhubiri amani na utulivu hasa ktika kipindi ambacho Taifa linapita katika misukosuko ya gesi na mabomu.
Picha katika mahafali hayo jinsi yalivyofana;

Picha zote zimepigwa na Dany kwa hisani ya Kapagi Info Institute

Tsvangirai apingana na Mugabe kuhusu uchaguzi

Waziri mkuu Morgan Tsvangirai

Waziri mkuu nchini Zimbabwe Morgan Tsvangirai ametoa wito kwa mahakama ya kikatiba nchini humo kufutilia mbali agizo la rais wa taifa hilo Robert Mugabe kuandaa uchaguzi mwishoni mwa mwezi Julai.

Tsvangirai ameonya kuwa huenda taifa hilo likakumbwa na hali ya switofahamu iwapo uchaguzi huo utafanyika.

Katika ombi lake waziri huyo anasema kuwa mda uliotolewa kuandaa shughuli ya usajili wa wapiga kura na uteuzi wa wagombea ni mchache mno.
Hata hivyo Tsvangirai hakusema ni lini angependa uchaguzi huo ufanyike.
Tayari uamuzi huo wa Mugabe kuitisha uchaguzi mapema kuliko ilivyotarajiwa, umekashifiwa na viongozi wengine wa mataifa ya Afrika Kusini.
Rais Mugabe alikwenda mahakamani mwezi jana kufuatia shinikizo kutoka kwa muungano wa nchi za Afrika Kusini (SADC) kubana hatua ya kuakhirisha shughuli nzima ya uchaguzi.
Ikiwa Tsvangirai atashinda kesi hii, anasema mahakamana itakuwa imezuia jambo lisilo la kisheria kuweza kutumbukiza nchi katika hali ya switofahamu.
Tsvangirai anataka uchaguzi ufanyike tu baada ya mageuzi ya sheria za uchaguzi ambayo yametokana na katiba mpya.
bbcswahili.com

Ajabu; Gari lililomsafirisha Mandela liliharibika

Mandela akiwa na Mkewe Graca

Gari la wagongwa lililokuwa likimsafirisha hospitalini rais wa zamani wa Afrika Kusini Nelson Mandela wiki mbili zilizopita, liliharibika likiwa njiani kwenda hospitalini.

Msemaji wa rais wa Afrika Kusini Mac Maharaj, amethibitisha kuwa gari hilo lilikumba na matatizo na kuwa ilibidi rais huyo wa zamani kuhamishwa hadi gari lingine.
Hata hivyo Bwana Maharaj, amesema tukio hilo halikuwa na tishio lolote kwa afya ya Bwana Mandela, kwa sababu alikuwa na madaktari wa kutosha.
Shirika la habari la Marekani CBS limenukuu vyanzo kadhaa vikidai kuwa Mandela alisalia katika eneo hilo kwa zaidi ya dakika arubaini kabla ya usaidizi kufika.
Shirika hilo la CBS limesema kuwa wakati Bwana Mandela alipokuwa akihamishwa hadi gari lingine viwango vya joto vilikuwa chini sana.
Mandela, mwenye umri wa miaka 94, alikuwa akisafirishwa kutoka hospitali moja mjini Johannesburg hadi Pretoria, wakati wa tukio hilo lililotokea tarehe nane Juni mwaka huu.
Mandela alilazwa hospitalini huku hali yake ikiwa mbaya kutokana na maambukizi ya mapafu ya mara kwa mara na tangu wakati huo amekuwa katika chumba cha wagonjwa mahututi.
Hii ni mara ya tatu kwa Bwana Mandela kulazwa hospitalini mwaka huu.
Chanzo; BBC

Rais Kagame afanya mabadiliko ya jeshi

Rais Kagame wa Rwanda

Rais Kagame afanya mabadiliko kwenye uongozi mkuu wa jeshi na kumteua Jenerali Patrick Nyamvumba kuwa mkuu mpya wa majeshi.

Jenerali Patrick Nyamvumba amechukua nafasi ya jenerali Charles Kayonga aliyeshikilia nafasi hiyo tangu mwaka 2002.
Mkuu mpya wa majeshi ya Rwanda,alikuwa kamanda wa kikosi cha umoja wa mataifa cha kulinda amani UNAMID katika jimbo la Darfur nchini Sudan tangu mwaka 2009.
Mabadiliko hayo pia yameshuhudia wadhifa mpya katika uongozi wa jeshi la Rwanda, ambao ni wadhifa wa mkaguzi mkuu wa jeshi uliopewa Brigedia jenerali Jack Nziza baada ya kupandishwa cheo na kuwa meja jenerali.Jack Nziza amekuwa akihudumu kama mkurugenzi mkuu katika wizara ya ulinzi.Pia mkuu wa zamani wa idara ya upelelezi wa nje kanali Dany Munyuza ameteuliwa kuwa naibu kamishna mkuu wa polisi ya Rwanda.Sababu za mabadiliko hayo hazijawekwa wazi.
Chanzo; BBC

Jasusi Snowden atua Moscow

Edward Snowden

Ndege iliyombeba mtaalamu wa zamani wa shirika la ujasusi la Marekani, Edward Snowden imetua mjini Moscow baada ya kusafiri kutoka Hong Kong.

Chanzo kutoka ndege hiyo ya taifa la Urusi kimesema bwan snowden anayetakiwa na Marekani kwa mashtaka ya wizi wa siri za serikali,
Amepanga kuondoka hapo kesho jumatatu kuelekea nchini Cuba kabla ya kuelekea Venezuela ambako amepanga kuomba hifadhi.
Mamlaka ya Hong Kong imesema bwana Snowden aliondoka kwa hiyari yake mwenyewe na kisheria baada ya kugundua njama za kutaka kumkamata zinazofanywa na mtandao wa kijasusi wa marekani kambi ya Uchina.
Hong Kong imesema imeyakataa maombi ya marekani ya kutaka kumkamata na kumrejesha bwana Snowden nchini Marekani kwa nguvu kwa kuwa maombi hayo hayaendani na sheria za ndani za nchi hiyo.
Chanzo; bbcswahili.com

Kesi dhidi ya Rais Kenyatta yaakhirishwa

Rais Uhuru Kenyatta

Mahama ya kimataifa ya ICC imeakhirisha siku ya kuanza kusikilizwa kwa kesi dhidi ya rais Uhuru Kenyatta hadi tarehe 12 mwezi Novemba mwaka huu.

Hii ni kufuatia ombi la mawakili wa Rais Kenyatta kutaka kesi yao kuahirishwa hadi mwezi Januari mwaka ujao.

Mahakama iliamua kuwa upande wa Kenyatta unahitaji muda wa ziada ili kujiandaa ipasavyo kwa kesi, kwa sababu viongozi wa mashtaka walichelewa kufichua ushahidi walio nao dhidi ya rais Kenyatta.
Kenyatta anakabiliwa na tuhuma za ukiukwaji wa haki za binadmau wakati wa ghasia za baada ya uchaguzi nchini Kenya miaka sita iliyopita, akisemekana kuunga mkono mashambulizi ya kulipiza kisasi dhidi ya watu wa kabila moja.
Naibu Rais wa Kenya William Ruto naye pia anakabiliwa na kesi katika mahakama ya ICC kuhusu tuhuma za ukiukwaji wa haki za binadamu kwa kupanga mashambulizi dhidi ya jamii hasimu.
Majaji waliwaalika mawakili wa Uhuru Kenyatta kutoa maoni yao kuhusu muda wanaotaka ili kujiandaa kwa kesi dhidi ya mteja wao.
Baada ya kupokea maoni kutoka kwa upande wa utetezi, upande wa mashtaka, pamoja na waakilishi wa kisheria, majaji waliamua kuakhirisha kesi hiyo kutoka tarehe 9 Julai mwaka huu hadi Novemba.
Tarahe hiyo mpya ilifikiwa baada ya kuzingatia maswala mbali mbali ikiwemo haja ya upande wa mashtaka kujiandaa vyema kwa utetezi wao na mipango ya usafiri.
Rais Kenyatta ameshtakiwa kwa kuhusika na ghasia za baada ya uchaguzi wa Kenya , makosa ya jinai ikiwemo, mauaji, kuwahamisha watu kinyume na sheria, ubakaji , mateso na vitendi vingine vya kinyama vinavyodaiwa kufanywa wakati wa ghasia hizo mwaka 2007/2008

Mazingira mabaya shuleni hukimbiza walimu

Ijumaa, Juni 21, 2013 05:32 Na Adelina Rutale, Dar es Salaam

MWALIMU ni mtu wa muhimu katika jamii yoyote kwa kuwa anabadilisha maisha ya kila mtu kutoka hatua moja kwenda nyingine. Cha kushanganza maisha yake ni tofauti na kazi kubwa anayoifanya. Pia wanapata changamoto nyingi katika utendaji kazi wao… wengine wanajikuta wakivikimbia vituo vyao vya kazi kutokana na mazingira magumu wanayofanyia kazi.

Jambo la kusikitisha walimu wanafikia hatua ya kutembea kilomita kubwa kutoka majumbani kwao kwenda kwenye vituo vyao vya kazi hali ambayo haiwezi kuleta matokeo mazuri ya elimu nchini.

Mwalimu anatembea kila siku kilometa 10 kwenda na kurudi kutoka shuleni, anafika amechoka na hana hamu ya kufundisha hivyo anafundisha chini ya kiwango kinachotakiwa.

Licha ya Serikali kujitahidi kuajiri walimu wengi kwenye vituo mbalimbali karibu mikoa yote ya Tanzania, bado imesahau kuwa baada ya kutoa ajira walimu wanaenda kukaa katika mazingira gani.

Idadi kubwa ya walimu wanapelekwa maeneo ya vijijini kutokana na uhaba wa walimu katika maeneo hayo, lakini huduma za kukidhi mahitaji yao bado ni hafifu.

Inasikitisha kuwaona walimu ambao ni mhimili mkubwa katika jamii wanalala jikoni kwa miaka mitatu huku wafanyakazi wengine wakiwa wanatembea zaidi ya kilomita kumi, jambo hili linasikitisha na linatia aibu kwa Serikali yetu.

Kuhusu walimu wanaotoroka kazini na kujiunga na vyuo vya elimu ya juu pasipo ridhaa ya mwajiri, tatizo hili linaathiri zaidi mikoa iliyopo Kanda ya Ziwa na Kaskazini, ambayo inakabiliwa na uhaba mkubwa wa walimu ambapo chanzo kikubwa ni mazingira mabaya ya kufanyia kazi.

Taratibu za kuyarekebisha maisha ya walimu yatasaidia kupunguza utorokaji wa walimu katika maeneo mbalimbali hapa ikiwemo vijijini ambapo matatizo yanakuwa mengi kuliko wale wa mjini.

Walimu wengi hukimbilia mjini ili kukwepa matatizo ya vijijini ambapo baadhi yao wanajikuta wakiishi kwenye nyumba za udongo na kuamua kuachana na kazi ya ualimu na kujihusisha na biashara nyingine.

Kutokana na hali kuwa tete Serikali ilipanga kuwachukulia hatua watumishi wake zaidi 800 waliotoroka kazini na kujiunga na vyuo vya elimu ya juu bila idhini ya mwajiri.

Jumla ya walimu 26,537 wameajiriwa serikalini kwa mwaka wa fedha 2012/2013, walimu wa ngazi ya cheti walioajiriwa ni 13,568.

Kati yao walimu 13,527 wamepangwa kufanya kazi katika shule za msingi zilizopo kwenye halmashauri na walimu 41 wamepangwa katika shule za msingi za mazoezi zilizo chini ya Wizara ya Elimu na Mafunzo ya Ufundi.

Jumla ya walimu wa sekondari na vyuo vya ualimu walioajiriwa ni 12,973 wakiwemo walimu wa Shahada 8,887 na Stashahada 4,086, lakini swali la kujuuliza maeneo waliyopangiwa yanakidhi viwango?

Idadi ya walimu walioajiriwa mwaka 2012/2013 imeongezeka kwa asilimia 11 sawa na walimu 2,630 ikilinganishwa na walimu 23,907 walioajiriwa mwaka uliopita 2011.

Walimu wapya wanakuwa na shauku kubwa ya kuanza kazi, lakini baada ya kuripoti kwenye vituo vyao vya kufanyia kazi na kukuta mazingira si mazuri baadhi yao wanaamua kuondoka baada ya wiki tatu au mwezi mmoja.

Baada ya Serikali kutilia shaka matokeo hayo Baraza la Mitihani Tanzania (BAMITA) kwa kushirikiana na Wizara ya Elimu na Mafunzo ya Ufundi wameamua kurudia kusahihisha lakini matokeo hayajabadilika kwa asilimia kubwa sio siri ufaulu si nzuri kama inavyotakiwa.

Licha ya Serikali kujitahidi kuwaajiri walimu kwa wingi kila mwaka lakini hali bado ni mbaya hasa maeneo ya vijijini ambapo unaweza kuikuta shule ina jumla ya wanafunzi mia 400 lakini wanafundishwa na walimu wawili au watatu hali ambayo haiwezi kuleta matokeo mazuri.

Walimu hawawezi kufanya kazi zao kwa ufanisi ulio juu huku wakiwa wanalala jikoni kwa miaka mitatu na wengine kutembea kwa kilomita kumi,kitu ambacho hakiwezekani.

Wanafunzi wa sasa wanamaliza darasa la saba hawajui kusoma wala kuandika lakini mwanafunzi huyo anafaulu kwenda kidato cha kwanza,kwa hali hii tusitegemee kupata matokeo mazuri na viongozi wazuri wa baadaye.
Chanzo; Mtanzania.co.tz