VURUGU ZA UAMSHO ZANZIBAR NA SHEHE PONDA AKAMATWA

Wednesday, 17 October 2012 21:34

Kiongozi wa Kundi la Uamsho, Sheikh Farid Hadi Ahmed GARI, BAA VYACHOMWA MOTO, NI BAADA YA KIONGOZI WA UAMUSHO KUTEKWA, PIA SHEHE PONDA KUTIWA MBARONI Waandishi Wetu, Dar na Zanzibar POLISI mkoani Dar es Salaam na wale wa Kisiwani Zanzibar, jana walitumia mabomu ya machozi na maji ya kuwasha kusambaratisha makundi ya watu wanaodaiwa kuwa waumini wa Dini ya Kiislamu, waliopanga maandamano kushinikiza kuachiwa kwa viongozi wao. Kisiwani Zanzibar vurugu kubwa ziliibuka baada ya kusambaa taarifa kuwa Kiongozi wa Kundi la Uamsho, Sheikh Farid Hadi Ahmed alitekwa nyara juzi saa 3 usiku akiwa kwenye gari lake na dereva wake. Vurugu hizo zilisababisha uharibifu wa mali kadhaa ikiwamo Maskani Kaka ya Kisonge inayomilikiwa na Chama Cha Mapinduzi (CCM) ambayo ilichomwa moto na waandamanaji. Waandamanaji hao pia walichoma moto baa za Darajani na Mbawala eneo la Mikunguni na baadhi ya nyumba za kulala wageni, kabla Vikosi vya Kutuliza Ghasia (FFU) na Kikosi cha Zima Moto kudhibiti vurugu hizo kwa mabomu ya kutoa machozi. Pia magari kadhaa yalichomwa moto na kuharibiwa vibaya yakiwa yameegeshwa katika maeneo mbalimbali, huku mipira na matairi vikichomwa katika barabara kadhaa. Katika maeneo ya Mjini baadhi ya njia zilifungwa na watu waliokuwa wakitoka kazini walishindwa kwenda nyumbani. Maeneo yaliyoathirika zaidi ni yale ya Malindi, Darajani hadi Michenzani ambako njia zilifungwa na mabomu yalisikika yakipigwa mfululizo. Katibu wa Jumuiya ya Uamsho na Mihadhara ya Kiislamu Zanzibar (Jumiki), Sheik Abdallah Said alisema, “Taarifa tulizonazo ni kwamba Sheikh Farid ametoweka katika mazingira ya kutatanisha…Alitoka kwake Mbuyuni katika gari yeye na kijana wake wa hapo nyumbani, lakini baadaye kuna gari ikamfuata na kusimama na ndipo alipoingia katika hilo gari jingine na hakuonekana tena. Hatujui ni kina nani waliomchukua na hatujui ilikuwaje akaingia katika hilo gari ...” Polisi waliimarisha ulinzi katika baadhi ya maeneo hasa Msikiti wa Mbuyuni ambao uko jirani na makazi ya Sheikh Farid. Kamishna wa Polisi Zanzibar, Mussa Ali Mussa alisema polisi halihusiki na kukamatwa kwa Farid, lakini wao wanaamini kwamba ‘amejipoteza’ mwenyewe na kujificha. Kamishna Mussa alisema polisi watawasaka wote waliosababisha vurugu hizo, na kwamba hadi sasa hawafahamu chanzo chake bado. “Tunafanya uchunguzi zaidi kujua chanzo cha fujo hizo ingawa mimi sijui habari za kutekwa Farid, sasa tunasema tunachunguza chanzo cha vurugu hizo na tukishapata uthibitisho na waliosababisha tutawafikisha mahakamani kujibu mashtaka,” alisema kamishna huyo. Ilivyokuwa Zanzibar Vurugu hizo zilianza katika maeneo mbalimbali muda mfupi baada ya vijana kadhaa kukusanyika katika eneo la Darajani kando ya Soko Kuu majira ya asubuhi, kutokana na kuzagaa kwa taarifa kwamba Sheikh Farid alikuwa haonekani. Idadi ya vijana hao ilikuwa ikiongezeka kadiri muda ulivyosonga, huku wengi wao wakiwa na silaha za aina mbalimbali zikiwamo magongo na mawe, hali iliyoibua hofu kwa wafanyabiashara wa eneo hilo, hivyo baadhi yao waliamua kufunga maduka. Maeneo yalioharibiwa ni pamoja na baadhi ya nyumba za kulala wageni ambazo zimechomwa moto katika eneo la Amani, huku baadhi ya vijana wakionekana wakikimbia na kreti za pombe. Katika eneo la Darajani, vijana kadhaa wakishirikiana na Wamachinga, walionekana wakivunja kisha kuingia katika moja ya maghala ya kuhifadhia bia, ambako walipora bidhaa zote zikiwamo kreti kadhaa za bia zilizokuwa zimehifadhiwa humo. Baadhi ya wenye maduka walifunga na kutoweka, lakini waporaji waliiba baadhi ya bidhaa vikiwamo vyakula, kisha  kutokomea navyo kusikojulikana. Katika maeneo ya Ng’ambo ambayo ni Amani, Mikunguni, Kwerekwe na Daraja Bovu vijana walioonekana kuwa na hamasa, waliingia kwenye makazi ya watu na kuiba vitu kadhaa, na kila mabomu yalipopigwa walikimbilia vichochoroni na baada ya muda walirejea tena. Maeneo ya Malindi, Michenzani na  Rahaleo, kulikuwa na vurugu za urushaji mawe na kusababisha uharibifu mkubwa wa miundombinu katika maeneo hayo. Matawi ya miti ilikatwa na kuunganishwa na magari mabovu kuwekwa barabarani kisha kuchomwa moto. Hali hiyo ilisabababisha uharibifu mkubwa katika baadhi ya barabara, na katika fujo hizo baadhi ya vijana walikamatwa. Kamanda wa Polisi Mkoa wa Mjini Magharibi, Azizi Juma Mohammed alithibitisha kutokea kwa fujo hizo na kusema Jeshi la Polisi linafanya uchunguzi kujua chanzo chake na taarifa kamili zitatolewa baada ya kukamilika uchunguzi huo. Ponda Dar Jijini Dar es Salaam, baadhi ya watu walipanga kufanya maandamano hadi Makao Makuu ya Polisi, kupinga kukamatwa kwa Katibu wa Jumuiya na Taasisi za Kiislamu, Sheikh Ponda Issa Ponda aliyekamatwa juzi usiku na kushikiliwa kutwa nzima ya jana katika Kituo Kikuu cha Polisi. Ponda alitiwa mbaroni kwa tuhuma za kuchochea vurugu na uvunjifu wa amani jijini Dar es Salaam, na Kamanda wa Polisi Kanda Maalumu ya Dar es Salaam, Suleiman Kova alisisitiza kuwa polisi wamechoka kuvumilia harakati zake za kutaka “nchi isitawalike”. “Kuanzia leo uvumilivu kwa Jeshi la Polisi dhidi ya watu wasiofuata sheria za nchi umekwisha. Kwa kuwa Ponda ni mtu anayepotosha watu waliopo chini yake wanaotaka kuandamana bila utaratibu wasitulaumu kwa lolote lile litakalotokea,” alisema Kova. Kova alisema hadi jana Ponda alikuwa bado anahojiwa katika Kituo Kikuu cha Polisi, Mkoa wa Dar es Salaam na kwamba ushahidi ukijitosheleza, atafikishwa mahakamani wakati wowote. Alisema taasisi anayoingoza Sheikh Ponda haijasajiliwa kwa mujibu wa sheria kufanya shughuli za dini. Hivyo basi shughuli zote zinazoendesha na taasisi hiyo si halali. "Natoa wito pia kwa wafuasi wa kiongozi huyo, walioshiriki katika vurugu mbalimbali za hivi karibuni, wajisalimishe haraka kwa kuwa sasa tupo katika mchakato wa kuwasaka, kuwakamata na baadaye kuwafikisha mbele ya sheria," alisema. Tuhuma za Ponda Kamanda Kova alidai kuwa Sheikh Ponda amekuwa akichochea vurugu na kuwashawishi wafuasi wake kuidharau Serikali na vyombo vya usalama. “Ponda amekuwa ni mtu ambaye amefanya nchi hii, hasa katika Jiji la Dar es Salaam kukaa katika hali ya wasiwasi. Ijumaa imekuwa siku ya fujo badala ya kuwa siku ya amani,” alisema Kova. Alisema vurugu hizo zinazoongozwa na Sheikh Ponda zimekuwa zikisababisha baadhi ya watu kushindwa kwenda kazini siku za Ijumaa na hali hiyo haivumiliki tena. Kamanda Kova alitaja tuhuma nyingine dhidi ya Sheikh Ponda kuwa ni kuongoza kundi la watu kwenda kuvamia kiwanja namba 311/3/4 eneo la Chang’ombe ambacho kinamilikiwa  na kampuni Agritanza. "Kiwanja alichokwenda kukivamia kilikuwa mali ya Baraza Kuu la Waislamu nchini (Bakwata) na kiliuzwa kihalali kwa kampuni hiyo," alisena. Alitaja tuhuma nyingine kuwa ni kufanya maandamano kinyume cha sheria, ikiwamo kuweka kambi Makao Makuu ya Polisi bila kibali cha jeshi hilo wiki kadhaa zilizopita. Kamanda huyo alisema Ponda anashikiliwa pia kwa kuwa mstari wa mbele kupambana na vyombo vya dola  na Serikali, ikiwa ni pamoja na kushawishi wafuasi wake kumdharau Rais wa nchi. “Vilevile amekuwa akiendesha maandamano na kukusanyika Kiwanja cha Kidongo Chekundu, huku wakijitapa kuwa wana nguvu zaidi ya Jeshi la Polisi,” alieleza Kova. Polisi pia wanamtuhumu Ponda kwa kuanzisha vurugu na vitisho dhidi ya Sheikh Mkuu wa Baraza Kuu la Waislamu Tanzania (Bakwata), Mufti Shaaban Bin Simba na kutaka kumtoa madarakani kwa nguvu pamoja na kutaka kuvamia ofisi yake. Alikamatwaje? Kamanda Kova alisema Ponda alikamatwa na askari waliomuwekea mtego kutokana na yeye kuwa bingwa wa kutoroka kila akifanya matukio. “Askari waliowekwa maalumu kwa ajili ya kumkamata walifanikiwa kumtia nguvuni saa 4:00 usiku karibu na eneo la maficho yake ambako alipelekwa na pikipiki,” alisema Kova. “Hivi Ponda ni nani mpaka awe na uwezo wa kumpa Rais aliyechaguliwa na wananchi siku saba kuwaachia watu waliopo mahakamani yeye amechaguliwa na nani kuongoza taasisi aliyonayo na anatoa wapi nguvu za kufanya mambo yote hayo?,” alihoji Kova. Alisema kulingana na matukio anayoyaongoza Ponda, wananchi wameanza kuona kama anaogopwa na vyombo vya dola, jambo ambalo siyo kweli. Aliongeza kuwa polisi wana uwezo wa kumdhibiti, isipokuwa walikuwa wanatumia busara tangu alipoanza vurugu na kwa sasa uvumilivu umewashinda, hivyo wataanza kumshughulikia. Vurugu zazuka Kukamatwa kwa Sheikh Ponda kulizua vurugu jijini Dar es Salaam na kufanya baadhi ya wakazi wake hasa maeneo ya Mnazi Mmoja na Kariakoo, kuingiwa kiwewe baada ya polisi kutumia mabomu ya machozi na maji ya kuwasha ili kuwasambaratisha watu waliokuwa wanataka kuandamana kwa lengo la kushinikiza kiongozi huyo aachiwe. Hali hiyo ilisababisha watu kukimbia ovyo katikati ya iji na kuongezeka kwa misongamano ya magari, jambo lililofanya usafiri wa daladala kuwa mgumu kwenda na kutoka katikati ya maeneo ya Jiji la Dar es Salaam. Baadhi ya wafanyabiashara walifunga maduka yao wakihofia kuporwa mali wakati wa vurugu hizo, baada ya vibaka kujichanganya wakijaribu kufanya uhalifu huo. Katika eneo la Mnazi Mmoja, polisi walirusha maji ya kuwasha kusambaratisha kundi la watu hao, huku wengine wakiwa wanadhibitiwa walipokuwa wakienda Makao Makuu ya Polisi ili kumtoa kiongozi huyo. Baadhi ya mashuhuda walisema, mbali na Ponda watu hao walikuwa wanataka kwenda polisi kuwatoa watu waliokuwa wanashikiliwa kituoni hapo kwa tuhuma za kufanya vurugu na kuharibu makanisa katika Kata ya Mbagala wilayani Temeke. Imeandikwa na Salma Said, Zanzibar, Zaina Malongo na Festo Polea, Dar. E&P Chanzo: Mwananchi

TAKWIMU ZA UCHOMAJI MAKANISA TANZANIA NA TAMKO LA TAG

TAKWIMU ZAONYESHA TANGU MWAKA 1985-2012 MAKANISA 46 YAMECHOMWA ,KUBOMOLEWA NCHINI

Askofu David Mwasota.

             

Imeelezwa  kuwa tangu kuibuka kwa wimbi la uchomaji wa  makanisa linalofanywa na watu wanaoaminika kuwa wanaharakati wa  Kiislamu katika Jamhuri ya Muungano wa Tanzania limeyakumba zaidi ya makanisa 46.

Hayo yameelezwa na Katibu Mkuu wa  Baraza la Maaskofu wa Kipentekoste nchini Tanzania (PCT) Askofu David Mwasota wakati akizungumza na Gazeti Msemakweli akiwa Kisiwani Zanzibar.

Kiongozi huyo  alikuwa mmoja wa wajumbe  wa mkutano uliowakutanisha viongozi wa dini ya Kikristo, viongozi wa Serikali ya Mapinduzi ya Zanzibar (SMZ)na makamanda wakuu wa jeshi la Polisi ambapo ulijadili kwa kina juu ya vurugu zilizotokea visiwani Zanzibar.

Kwa mujibu ya Mwenyejiti wa kundi linaloendesha mihadhara ya Kikristo inayosahihisha upotoshwaji wa Maandiko Matakatifu ya Biblia unaofanywa na Wahadhiri wa Kiislamu Mwinjilisti Cecil Simbaulanga,  takwimu zinaonesha kwamba  makanisa yaliyoteketezwa na Waislamu tangu mwaka  1985 visiwani Zanzibar pekee ni 26,  huku Tanzania Bara yakifikia 20.

Askofu Mwasota alisema hadi  mapema wiki iliyopita wanaharakati wa Jumuiya ya Uamsho na Mihadhara ya Kiislamu Zanzibar(JUMIKI) walipofanya vuruguru na kuchoma moto makanisa kisiwani Zanzibar, viongozi wa Kikristo  wamekuwa wakitoa taarifa za uhalifu dhidi ya makanisa na nyumba za wachungaji, lakini hakuna hatua zilizochukuliwa.

Katika mahojiano kwa njia ya simu na Msemakweli, Askofu Mwasota alisema kutokana na hilo, viongozi wa Kikristo waliokutana na viongozi wa SMZ katika Kanisa la Tanzania Assemblies of God (TAG) Kariakoo lililochomwa moto, alisema kimsingi viongozi hao kupitia Waziri wa Nchi Ofisi ya Makamu wa Pili wa Rais wa Zanzibar Bwana Mohammed Aboud Mohammed,  waliahidi kuyalinda makanisa dhidi ya Waislamu wakorofi.

''Angalau kauli kama hiyo  imetupa moyo na kuturidhisha kwa vile haikuwepo siku za nyuma na kweli tunashuhudia  ulinzi umeimrishwa makanisani”, alisema Askofu huyo wakati akihojiwa na Msemakweli  kwa njia ya simu kutoka Zanzibar.

Alisema tayari watu 30 wamekamatwa kuhusiana na vurugu hizo.

Hata hivyo alipoulizwa  nini serikali inasema kilikuwa chanzo cha vurugu hizo, alisema bado uchunguzi unaendelea na kwamba  si vyema kukurupuka na kutaja chanzo hicho kabla ya uchunguzi makini kufanyika.

Kwa upande wake Waziri wa Mambo ya Ndani Dakta Emanuel Nchimbi aliyeshiriki katika mkutano huo, alionya kuwa suala  la amani na ulinzi  wa raia na mali zao halina mjadala na kuvitahadharisha vikundi vinavyohatarisha amani na kwamba   vitapambana na mkono wa Dola.

Mei 26 na 27 mwaka huu, vurugu kubwa zilitokea kisiwani Zanzibar  baada ya wafuasi wa Jumuiya ya Uamsho na Mihadhara  ya Kiislamu  Zanzibar (JUMIKI), kushinikiza Jeshi la Polisi limuachie kiongozi wao Sheikh Mussa Issa ambaye alikamatwa.

Baada ya wafuasi hao kushindwa kuvamia kituo cha Polisi Madema, kufuatia Askari wa FFU kuwatawanya kwa mabomu ya machozi, waliamua kuingia mitaani na kufanya kitendo cha kushangaza cha kuharibu mali za makanisa mawili na kuyachoma  moto.

Katika kile kinachooneka kuwa  nyuma ya vurugu hizo kuna mkono wa udini na siasa, licha ya wafuasi wa JUMIKI kuchoma moto makanisa, pia walikuwa wakiwasaka watu kutoka Tanzania Bara  huku wakitamka kwamba hawautaki muungano.

Wakati kanisa la TAG lilichomwa moto Mei 27 mwaka huu, Porikia ya Kanisa Katoliki  Mpandae iliripotiwa kuchomwa moto  mchana wa Mei 28 mwaka huu na kundi la wafuasi wa JUMIKI lililokuwa likitoka katika Mahakama ya Mwanakwerekwe kusikiliza kesi ya wenzao waliokamatwa kwa kuhusika na  vurugu hizo.

Kati ya watu 30 waliokamatwa na kufikishwa mahakamani wamo  viongozi watatu wa JUMIKI akiwemo mkuu wake Sheikh Mussa Juma Issa, ambapo  wanatuhumiwa kukusanyika kinyume na sheria na kufanya fujo. Watuhumiwa hao hata hivyo wako nje kwa dhamana.

Naye Mwenyekiti wa Kundi la Biblia ni Jibu nchini Tanzania ambalo ni maarufu kwa kupigania imani ya Kikristo dhidi ya upotoshwaji unaofanywa na Wahadhiri wa Kiislamu Cecil Simbaulanga aliliambia Msemakweli kuwa vurugu za Zanzibar ni za kidini dhidi ya Ukristo.

“Ndio maana waliohusika ni  nazo ni Mashehe  wanaoeneza chuki  dhidi ya Ukristo. Haya yote nilishayaeleza  katika katika kitabu changu kinachozungumzia Mchango wa Kanisa katika miaka hamsini ya Uhuru, ambapo katika ukurasa wa 36 niliitaka serikali kuchukua hatua za kudhibiti wimbi la uchomaji makanisa”, alisema Simbaulanga.

Alisema kwa kilichotokea sasa  anaitaka serikali ya Jamhuri ya Muungano na ile ya Mapinduzi ya Zanzibar ifidie makanisa sita yaliyochomwa moto katika vurugu za  sasa kutokana na uzembe wake na kutosikiliza hoja za maana.

“Unajua haiingii akilini  kwamba  Waislamu Zanzibar ambao ni asilimia 99.9 inakuwaje walalimikie mfumo Kristo”, alisema Mwinjilisti Simbaulanga na kubainisha kuwa kinachofanyika ni mbinu tu za kusambaza chuki ili kuua Ukristo Zanzibar.

Alisema kwa hali ilivyo sasa ni lazima SMZ iache kufundisha watoto  Uislamu pekee  katika shule za msingi kama inavyofanya sasa, Kama kweli inataka haki itendeke.

Mwinjilisti Simbaulanga alilitaka Jeshi la Polisi na SMZ kutopotosha ukweli kwamba wanaofanya vurugu za uchomaji moto makanisa ni wahuni bali waeleze ukweli kwamba ni Waislamu.

“Haya mambo sisi tunajua. Tunazo DVD za wote waliopanga mambo haya kuanzia mwanzoni mwa mwaka huu,  kama ushahidi mzito na tunawajua. Tuko tayari kutoa ushahidi huo.Hawa sio wahuni ni viongozi wa wanaharakati wa Kiislamu wanaofahamika wazi”, alisisitiza Simbaulanga.

Akizungumza na Msemakweli Mwenyekiti wa Umoja wa Wainjilisti wa Kikristo nchini Tanzania (UWAKITA) Mwinjilisti Samson Bulegi ambaye pia ni Mwenyekiti wa kundi la Injili kwa Wote ambalo moja ya shughuli zake ni kusahihisha upotoshaji wa imani ya Kikristo unaofanywa na makundi ya Wahadhiri wa kiislamu, alisema vuguru za Zanzibar kwa sehemu kubwa zina mkono wa dini na siasa.

Alisema kisiasa JUMIKI na makundi mengine ya wanaharakati wa Kiislamu hayataki Muungano kwa vile Katiba ya Jamhuri ya Muungano wa Tanzania inatoa uhuru wa kuabudu ambao unakwamisha juhudi zao za kuunda dola la Kiislamu.

“Wanataka muungano uvunjike ili wapate fursa ya kueneza Uislamu  na kuua Ukristo  na ndio maana hawawataki watu wa bara,  huku pia wakichoma moto makanisa”, alisema Bulegi.

Alisema kuwa Muungano unasababisha watu kutoka Bara kuingia kwa wingi Zanzibar kuhubiri Injii na kufungua makanisa; hali inayosababisha  Waislamu wengi kuokoka na kuwa Wakristo,

 “Unajua mambo ndivyo yalivyo. Hata Makamu wa kwanza wa Rais wa Serikali ya Umoja wa Kitaifa ya Zanzibar Sheikh Maalim Seif Sharif Hamad, aliwahi  kukiri kwamba Wakristo wanabaguliwa Zanzibar.  Mimi naiomba SMZ kukomesha jambo hili kwani kila mtu ana haki ya kuishi kwa uhuru bila kubaguliwa”, alisema Bulegi.

“Bila kukomesha ubaguzi huu na unyanyasaji wa Wakristo, moto utawaka na kusambaa kila mahali na hali kuwa mbaya zaidi”, alitahadharisha Bulegi.

Posted by Ambwene Mwamwaja at 05:14

Kauli ya Askofu Mtokambali kuhusu uchomaji wa makanisa Mbagala

KUHUSU MATUKIO

YA UCHOMAJI WA MAKANISA MBAGALA DAR ES SALAAM.

Oktoba 12 mwaka huu, matukio mabaya na yenye kutia doa sifa ya amani umoja na Utengemano wa Taifa la Tanzania, yalijitokeza huko Mbagala Jijini Dar es Salaam, wakati watu wenye jazba wanaoaminika kuwa ni Waislamu wenye msimamo mkali walipovamia makanisa saba na kuyachoma moto eti kwa kulipiza kisasi cha mtoto aliyekojolea kuran katika utani wa kitoto.

Askofu Mkuu wa TAG nchini Askofu Barnabas Mtokambali

Katika mkasa huo ambao ni kama muendelezo wa ghasia zingine zilizotokea kule Zanzibar miezi michache iliyopita na kuteketeza makanisa mbalimbali mbali na kuharibu mali za kanisa na zile za watu binafsi.Tukio la Mbagala limesababisha makanisa saba kuharibiwa vibaya, mali kuibiwa na hata kuhatarisha maisha ya watanzania na kuwafanya waishi kwa hofu na kupoteza matumaini.

CHANZO CHA TUKIO

Kwa mujibu wa walioshuhudia, Polisi na wahusika (Waislamu) chanzo cha ghasia hizo na mabishano ya kitoto baina ya watoto wa dini ya Kiislamu na kikristo, waliobishana kuwa ikiwa mtu atakojolea kuran na kuitemea mate atageuka mbuzi au nyoka.

Lakini baada ya tukio hilo la kitoto watu walilikuza na kulipeleka kwenye misikiti na hivyo kuchocheza ghasia. Kimsingi tukio lenyewe ni jepesi sana ukilinganisha na matokeo yake. Ukweli kwamba waliofanya utani huo ni watoto na chanzo chake ni mabishano ya kitoto, unatia shaka kuwa huenda kuna hoja nyuma ya pazia ambayo isipotazamwa kwa makini inaweza kulete matokeo mabaya sana.

Jambo linalonitia shaka ni kufanana kwa matukio ya kuchomwa moto kwa makanisa ya Zanziabar na ya Mbagala ambapo hakukuwa na uhusiano wa vyanzo vya ghasia na makanisa husika.

Mfano; Ghasia za Zanzibar zilizopelekea kuangamizwa kwa makanisa zinaelezwa kuwa zilitokana na kikundi cha Kiislamu cha Uamsho wa Mihadhara, kilichokuwa kikiandamana kudai mjadala wa Muungano, lakini zikaishia kwenye uchomaji wa makanisa, hapa hauonekani uhusiano wa kanisa na Muungano; nalazimika kujiuliza kulikoni?

Vivyo hivyo tukio la Mbagala halina uhusiano wa moja kwa moja na kanisa kwa kuwa hakuna ushahidi wala hata tetesi kuwa mtoto huyo alitumwa na kanisa lolote. Wahusika wa dini ya Kiislamu akiwepo Sheikh Mkuu wa Mkoa wa Dar es Salaam, analielezea tukio la kitoto kama lisilostahili hata mtu kufunguliwa mashtaka bali kuelekezwa tu. Ni vipi lisababishe uchomaji wa makanisa?

MAKANISA YALIYOCHOMWA MOTO

Katika ghasia hizo za aina yake, makanisa saba yamethibitishwa kuharibiwa kwa kuchomwa moto, kupasuliwa vioo, viti na kuibiwa vyombo vya muziki na jenereta. Makanisa hayo ni TAG Kizuiani, Agape, Kibonde maji, SDA Sabato, Mbagala Kizuiani, Katoliki Kristo Mfalme Mbagala Rangi Tatu, Anglican Mbagala Kizuiani, KKKT, Mbagala Zakhem na TAG, Shimo la Mchanga.

Pamoja na majengo hayo kubomolewa kwa viwango tofauti mengine yakichomwa moto, pia wahusika waliiba Genereta, na vyombo vya muziki vya makanisa hayo na kuvunja magari na baadhi yao kuchomwa moto.

Choko choko zilizinazoweza kuwa cahanzo cha matukio hayo ni:

Januari sita mwaka huu, kikundi kimoja kinachoitwa JUAKITA, kiliitisha kongamano la kujadili katiba mpya Tanzania, kwa upande wa Waislamu. Katika kongamano hilo lililofanyika kwenye Ukumbi wa Diamond Jubilee, Dar es Salaam kulitolewas kauli za kichozi kama:

1. Lazima Rais ajaye atoke Zanzibar

2. Kukabiliana na ukuaji wa kasi wa dini ya Kikristo

3. Kupinga Muungano ili kuupa nguvu Uislamu

4. Kupigana kufa na kupona kutetea maslahi yao wakati huu wa kuandaa katiba mpya.

Kauli hizo zilitolewa na Sheikh Nasoro Mohamed, kutoka Zanzibar, ambaye alikuwa mgeni rasmi. Baadaye zikaandaliwa kanda za CD zilizosambaza ujumbe huo.

Uchunguzi unaonesha kuwa uchochezi huu umekuwa ukiwaandaa watu kusubiri vijitukio vidogo tu ili kulipua ghasi. Tuliona jinsi makanisa yalivyochomwa kule Zanzibar. kwa kuwakumbusha tu makanisan yaliyoangamizwa katika tukio hilo ni: EAGT, Elimu Pentecost na TAG, Anglikana, Katoliki na FPCT.

Ni jambo la kusikitisha kuwa matukio haya yanatokea siku mbili tu kabla ya maadhimisho ya miaka 13, ya kifo cha Rais wa Kwanza, Mwl. Julius kambarege Nyerere. Leo hotuba na midahalo inarindima kila mahali kumuenzi Nyerere, lakini wengi wetu tukiwa tumejaa majozi baada ya nyumba zetu za ibada kuharibiwa katika matukio yanayoashiri hatari kubwa.

Hofu yangu ni kuwa, roho hii ya ubaguzi wa kidini ambayo Baba wa Taifa hayati Mwl. Julius Kambarage Nyerere aliifananisha na dhambi ya kula nyama ya mtu, imekuwa ikiyatafuna mataifa ya Afrika kama ifuatavyo:

1. Mwaka 2000, vuguvugu la kuanzishwa kwa utawala wa Kiislamu (Sharia), lilianza kwenye majimbo ya Kaskazini mwa Nigeria, miaka michache baadaye majimbo kadhaa yakajitangazia sheria hizo na tangu wakati huo kumekuwa na mapambano yasiyoisha. Takwimu zinaonesha kuwa katika miaka ya karibuni zaidi ya Wakristo 500 wameuawa kikatili na makanisa kuchomwa moto.

2. Roho hii imekuwa ikienea kwa kasi katika maeneo mbali mbali ya Afrika ambapo imelikumba taifa la Mali, majimbo ya kaskazini tayari yametangaza kujitenga na kuna vuguvugu lenye kuhusisha mapigano ya silaha.

3. Itakumbukwa kuwa miezi michache tu ilizopita vuguvugu hili la kudai utawala wa kidini liliibuka nchini Kenya ambapo watu wanaojiita wanaharakati walianzisha madai ya kutaka eneo la Pwani kujitenga na Jamhuri ya Kenya na kujitangazia taifa la Kiislamu.

4. Katika tukio hilo inasemekana mtoto huyo alitengenezewa mabishano ya kitoto kuwa akichoma kurani atakuwa chizi naye akabisha

kisha akapewa kiberiti na kurani akachoma tena walioandaa

mzaha huo wakamkamata na kumpeleka mahakamani.

Tukio linalofanana na hilo lilitokea tena Bagamoyo mkoani Pwani

ambapo mtoto wa kike alishtakiwa na hata kuhukumiwa kifungo

kwa madai ya kuchoma kuran lakini tukio lilikuwa katika mabishano

ya midhaha ya kitoto

WITO WANGU

Natoa wito kwa Wakristo wote nchini kujiepusha na mizaha

inayoweza kutengeneza sababu za kulipuka kwa ghasi na kutengeneza

mwanya wa watu wenye nia mbaya kutekeleza agenda zao zaria Ili

kulinda amani umoja na utengemano wetu, nawasihi viongozi wa makanisa

kuonya na kukemea waumini na watoto wetu wasishiriki kwa namna yoyote ile mizaha inayopelekea kuchoma au kuharibu vitabu au nyaraka

za kidini.

Nawasihi watanzania wote kwa ujula kujiepusha na mizaha ya kidini inayoweza kuchafua amani yetu, na pale jambo lolote lenye kukera linapotokea tujiepushe kuwa mawakala wa shetani wa kueneza chuki badala ya amani na upendo.

USHAURI WANGU KWA SERIKALI NA VIONGOZI

Nawashauri viongozi wa Serikali ambao leo wanatoa matamko na kushiriki midahalo ya kumuenzi Mwl. Nyerere kukumbuka kuwa huyo alikuwa na mapenzi makubwa na amani na umoja wa taifa. Kwa hiyo kumuenzi kwa vitendo ni kudumisha utawala bora, unaofuata sheria usio na chembe ya ubaguzi wa aina yoyote.

Kulipuka majukwaani kumuenzi Nyerere bila kuilinda na kuitetea amani ya nchi ni kujidanganya.

Ni wajibu wa kila Mtanzania kutii sheria na mamlaka kwa kuwa zimewekwa/kuruhusiwa na Mungu, hivyo kuziasi ni Kumuasi Mungu, yaani ni dhambi. Hivyo kila Mtanzania anastahili kukumbuka wajibu wake wa kutii mamlaka.

Viongozi wenzangu wa dini wakumbuke kuwa wana wajibu mkubwa katika jamii, na jamii inawasikiliza hivyo ni vyema wakawa makini katika matamshi na maelekezo yao ili wasiwe chanzo cha kuchochea vurugu za kidini na uvunjaji wa amani.

Pia ningependa kuwashauri viongozi wa serikali kusimama imara katika kusimamia sheria na haki, na kuepuka kauli au vitendo vitakavyofanya baadhi ya watanzania kudhani kuwa hawatendewi haki.

Ni vema ieleweke kuwa matukio kama haya ya uvunjaji wa amani yasipodhibitiwa na kukomeshwa haraka yanaweza kuumba chuki ambayo inaweza kuibua mlipuko mkubwa na machungu kwa wananchi na matokeo yake yakawa mabaya kwa Taifa zima. Hekima na busara inatufundisha kuwa tusipoziba ufa tutajenga ukuta.

Ni vyema wenye dhamana ya kuongoza wakakumbuka kuwa wanawajibu mbele ya Mungu aliyewaweka au kuwaruhusu kuingia madarakani na siku moja watatoa hesabu mbele zake.

Ni vyema viongozi wa Serikali wakajizuia kufanya maamuzi yanayoashiria upendeleo kwa baadhi ya makundi ya kidini na kukiuka utawala wa sheria, mfano; kutii waandamanaji na kuwaachia bila mashrti watu waliokamatwa kwa mujibu wa sheria kuna jenga kiburi kwa makundi yenye kiu ya matumizi ya nguvu na kujenga hofu kwa pande zingine.

Ni vyema mamlaka zikasiamama katika sheria na kufanya hukumu kulingana sheria badala ya kuamua mambo ya kisheria kisiasa.

WITO MAALUMU KWA VIONGOZI WA DINI

Nitumie nafasi hii kuwasihi vingozi wenzangu wa dini, kusimama imara katika kuombea taifa na kuhubiri kwa nguvu ili kukabiliana na giza la kiroho ambalo linatishia kuifunika nchi.

Takwimu za karibuni kabisa za utafiti uliofanywa na taasisi ya Washnton DC iitwayo, Pew Research Centre, na kurushwa na Televisheni ya CNN, Katika kipindi chake cha Inside Africa, zilionesha kuwa watanzania asilimia 93, wanaamini mambo ya ushirikina na uchawi wakati Uganda ni asilimia 29 na Kenya ni asilimia 27. Tu. Mahali ambapo giza la kiroho limezingira kiasi hiki ni lazima matukio ya kishetani yashamiri tuchukue hatua.

Mwisho, natoa wito kwa watanzania wenzangu tuulinde umoja, amani na utengamano wa taifa letu, tuikimbie dhambi ya ubaguzi kwa kuwa tukiiruhusu itatuangamiza sote. Tuliombee taifa letu na kukiwa na mbegu ya chuki tuimalize kwa njia ya majadiliano na vikao vya pamoja vinavyohusisha viongozi wa dini zote na serikali pia.

Imetolewa leo 14/10/2012

Na Dk. Barnabas Mtokambali

Askofu Mkuu wa TAG

LinkWithin

Posted by Hosanna Inc at 8:08 AM

UCHOMAJI MAKANISA MBAGALA

Ndugu msomaji
Shalom
Kumetokea tukio la ajabu na mbalo sasa linakuwa kawaida ka nchi yetu juu ya uchomaji makanisa, kabla jeraha la Zanzibar halijapoa makanisa mbagala matatu yamechomwa Mbagala. Sababu ikiwa ni mabishano ya watoto kwamba ukikojolea kuran atageuka Panya au paka, MTOTO (MKRISTO) naamini akisukumwa na imani akaamni kuwa hawezi kugeuka panya kwa kukojolea kuran na hivyo akaamua kuthibitisha kwa   kukojolea kuran na kama alivyoamni hakugeuka panya (MTOTO SHUJAA) Kwa sababu akawa amefichua uongo mkubwa kwamba kuran ina uwezo wa kumgeuza mtu panya wakaksirika na kutaka kujichukulia sheria mkononi wamuue lakini kakimbilia Kituo cha Polisi, kwa hasira wakakimbia kuchoma makanisa. Hatuwezi kusema nchi ina amani wakati makanisa yanaendelea kuchomwa moto, hatuwezi kusema nchi haiamni dini wakati dini fulani imekuwa ikituma mabavu kuinyanyasa dini nyingine kwa kuchoma makanisa. Kuchoma makanisa kuna athari mbaya kwa mkristo kwani sasa atashiriki ibada kwa wasi wasi na hata mazungyumzo baina ya muislamu na  mkristo yameingia dosari. Chonde kwa serikali kuhakiksha inawadhibiti hao wenye kuwa na chuki na ukristo.
IMANI THABITI ITADUMU MILELE HATA  MASINAGOGI YAKICHOMWA, TUTENDELEA KUYANENA TUNAYOYAAMINI

Hapa nimechapisha picha za matukio ya uchomaji makanisa mbagala na ziara ya Mhe. Raisi kwa mujibu wa blogu mbalimbali kama zilivyochapishwa chini ya kila habari au picha.

Mawe yametoboa vioo vingi

Katika madhabahu,pameharibiwa

Mabenchi yamepinduliwa na kuvunjwa

Mimbari imechomwa na kuharibiwa

Ofisi ya Kanisa imechomwa moto

Wachungaji wa kanisa hili wakisubiria taarifa kutoka polisi

Hawa wanafanya maombi na nimesikia wakiwaombea waislamu mungu awasamehe

Vifaa vya uimbaji vimechomwa moto

Washarika wakiwa kanisani kwao asubuhi hii

Gari la mchungaji pia limeharibiwa kabisa

RAIS JAKAYA KIKWETE ATEMBELEA MAKANISA YALIYOCHOMWA NA WAISLAM MBAGALA JIJINI DAR ES SALAAM

Rais Jakaya Mrisho Kikwete akiangalia uharibifu mkubwa ulkiofanywa katika kanisa la Pentekoste la Mbagala jijini Dar es salaam wakati wa vurugu za Waislamu Ijumaa iliyopita kufuatia habari kuwa kuna mtoto amekojolea Msahafu

Rais Jakaya Mrisho Kikwete akioneshwa na Katibu wa Kanisa la Anglikana Dayosisi ya Dar es salaam Bw. M Mkosimonga  uharibifu mkubwa uliofanywa kwenye kanisa hilo huko  Mbagala jijini Dar es salaam wakati wa vurugu za Waislamu Ijumaa iliyopita kufuatia habari kuwa kuna mtoto amekojolea Msahafu

 Rais Jakaya Mrisho Kikwete akitoa pole kwa baadhi ya waumini wa  Kanisa la Anglikana Dayosisi ya Dar es salaam kufuatia uharibifu mkubwa uliofanywa kwenye kanisa hilo huko  Mbagala jijini Dar es salaam wakati wa vurugu za Waislamu Ijumaa iliyopita kufuatia habari kuwa kuna mtoto amekojolea Msahafu

Rais Jakaya Mrisho Kikwete akioneshwa na Mchungaji Alkwin Mbawi uharibifu mkubwa uliofanywa kwenye kanisa la Pentekoste la Mbagala jijini Dar es salaam wakati wa vurugu za Waislamu Ijumaa iliyopita kufuatia habari kuwa kuna mtoto amekojolea Msahafu

Rais Jakaya Mrisho Kikwete akioneshwa na Mchungaji Alkwin Mbawi uharibifu mkubwa uliofanywa kwenye kanisa la Pentekoste la Mbagala jijini Dar es salaam wakati wa vurugu za Waislamu Ijumaa iliyopita kufuatia habari kuwa kuna mtoto amekojolea Msahafu

 

PICHA NA MUHIDIN MICHUZI

Posted by PASTOR GORDON KALULUNGA

Rais Kikwete atembelea Makanisa yaliyochomwa moto na kuharibiwa Mbagala jijini Dar es Salaam

Rais Jakaya Mrisho Kikwete, akiangalia uharibifu mkubwa uliofanywa katika kanisa la Pentekoste la Mbagala, jijini Dar es Salaam wakati wa vurugu za Waislamu Ijumaa iliyopita kufuatia habari za mtoto mmoja wa sehemu hiyo, kukojolea Msahafu wa Kuraan Tukufu.

Rais Jakaya Mrisho Kikwete akioneshwa na Mchungaji Alkwin Mbawi, uharibifu mkubwa uliofanywa kwenye kanisa la Pentekoste la Mbagala jijini Dar es Salaam wakati wa vurugu za Waislamu, Ijumaa iliyopita kufuatia habari za mtoto mmoja wa sehemu hiyo, kuukojolea Msahafu wa Kuraan Tukufu.

Rais Jakaya Mrisho Kikwete akioneshwa na Mchungaji Alkwin Mbawi uharibifu mkubwa uliofanywa kwenye magari yaliyokuwa yameegeshwa ndani ya kanisa la Pentekoste la Mbagala jijini Dar es Salaam wakati wa vurugu za Waislamu, Ijumaa iliyopita kufuatia habari za mtoto mmoja wa sehemu hiyo, kuukojolea Msahafu wa Kuraan Tukufu.

Rais Jakaya Mrisho Kikwete akioneshwa na Katibu wa Kanisa la Anglikana Dayosisi ya Dar es Salaam Bw. M Mkosimonga uharibifu mkubwa uliofanywa kwenye kanisa hilo, huko Mbagala jijini Dar es Salaam wakati wa vurugu za Waislamu, Ijumaa iliyopita kufuatia habari za mtoto mmoja wa sehemu hiyo, kuukojolea Msahafu wa Kuraan Tukufu.

Rais Jakaya Mrisho Kikwete akitoa pole kwa baadhi ya waumini wa Kanisa la Anglikana Dayosisi ya Dar es salaam kufuatia uharibifu mkubwa uliofanywa kwenye kanisa hilo, huko Mbagala jijini Dar es Salaam wakati wa vurugu za Waislamu, Ijumaa iliyopita kufuatia habari za mtoto mmoja wa sehemu hiyo, kuukojolea Msahafu wa Kuraan Tukufu.

Rais Jakaya Mrisho Kikwete akioneshwa na Katibu wa Kanisa la Anglikana Dayosisi ya Dar es salaam Bw. M Mkosimonga  uharibifu mkubwa uliofanywa kwenye kanisa hilo, huko Mbagala jijini Dar es Salaam wakati wa vurugu za Waislamu, Ijumaa iliyopita kufuatia habari za mtoto mmoja wa sehemu hiyo, kuukojolea Msahafu wa Kuraan Tukufu.

Rais Jakaya Mrisho Kikwete akioneshwa na Askofu Msaidizi wa Kanisa la Kiinjili la Kirutheli Dayosisi ya Dar es salaam na Pwani Mkosimonga  uharibifu mkubwa uliofanywa kwenye kanisa hilo, huko  Mbagala jijini Dar es Salaam wakati wa vurugu za Waislamu, Ijumaa iliyopita kufuatia habari za mtoto mmoja wa sehemu hiyo, kuukojolea Msahafu wa Kuraan Tukufu.

Rais Jakaya Mrisho Kikwete akioneshwa na Askofu Msaidizi wa Kanisa la Kiinjili la Kirutheli Dayosisi ya Dar es salaam na Pwani Mkosimonga  uharibifu mkubwa uliofanywa kwenye kanisa hilo, huko Mbagala jijini Dar es salaam wakati wa vurugu za Waislamu Ijumaa iliyopita kufuatia habari kuwa kuna mtoto amekojolea Msahafu.

Rais Jakaya Mrisho Kikwete akioneshwa na Katibu wa Kanisa la Anglikana Dayosisi ya Dar es salaam Bw. M Mkosimonga  uharibifu mkubwa uliofanywa kwenye kanisa hilo, huko Mbagala jijini Dar es Salaam wakati wa vurugu za Waislamu, Ijumaa iliyopita kufuatia habari za mtoto mmoja wa sehemu hiyo, kuukojolea Msahafu wa Kuraan Tukufu.

Na mwandishi wetu

RAIS wa Jamhuri ya Muungano wa Tanzania, Mheshimiwa Jakaya Mrisho Kikwete leo, ametoa pole kwa waumini wa makanisa yaliyochomwa moto na kuharibiwa katika eneo la Mbagala, Dar es Salaam, akisisitiza kuwa wote waliohusika katika vurumai hizo na uharibifu huo na wale waliowatuma watashughulikiwa ipasavyo na Serikali.

Aidha, Rais Kikwete ameyaelezea matukio ya jana, Ijumaa, Oktoba 12, 2012 kuwa ni ya aibu na fedheha ambayo halikustahili kutokea katika nchi yenye historia ya miaka mingi na ya kutukuka ya waumini wa dini mbali mbali kuvumiliana na kuishi kwa amani.

Rais Kikwete pia ametoa wito kwa viongozi wa dini zote mbili kuwa watulivu katika hali ya sasa na kutokuhamanika na kuviachia vyombo vya Serikali kufanya kazi, akiwaasa viongozi wa makanisa yaliyoharibiwa kuwa watulivu na kutokufikiria hatua za kulipiza kisasi kwa sababu kamwe hatakuwepo mshindi katika vurumai hasa ya kidini.

Rais Kikwete ameyasema hayo leo, Jumamosi,Oktoba 13, 2012, wakati alipofanya ziara ya ghafla kutembelea makanisa yaliyochomwa moto katika eneo la Mbagala kufuatia vurumai za jana ambako chanzo chake ni mtoto kukojolea Kitabu Kitukufu cha Qoran katika eneo hilo hilo la Mbagala.

Rais Kikwete ametembelea makanisa matatu ambako alishuhudia yalivyoharibiwa kwa vioo vya madirisha kuvunjwa, madhabau kuharibiwa na biblia kuchomwa moto, vyombo vya muziki kuibwa ama kuvunjwa, magari ya viongozi wa dini na waumini kuchomwa moto, vioo vya magari hayo kuvunjwa na mali za ndani ya magari, zikiwamo redio kuibiwa, nguo za wachungaji na hata divai kuibiwa.

Rais Kikwete ameanzia ziara yake kwenye Kanisa la Mbagala kwa Yesu la Tanzania Assemblies of God (TAG) ambako amepokelewa na Askofu Dkt. Magnus Muhiche na kuonyeshwa uharibifu mkubwa uliofanyika kwenye kabisa hilo ambalo limeonekana kufanyiwa uharibifu mkubwa zaidi kuliko makanisa mengine ikiwa ni pamoja na jenereta ya umeme ya kanisa kuibiwa.

Katika ziara hiyo ambako Rais Kikwete ameandamana na Waziri wa Mambo ya Ndani ya Nchi, Mheshimiwa William Nchimbi aliambiwa na Kamanda wa Mkoa Maalum wa Dar es Salaam, Kamanda Suleiman Kova kuwa mpaka sasa watu 122 wametiwa mbaroni kufuatia vurumai na fujo za jana.

Kati ya hao, watu 36 wamekamatwa kwa kufanya uharibifu kwenye makanisa hayo na wengine 86 wamekamtwa kwa kufanya fujo za kawaida na za jumla katika hali ya mazingira ya jana.

Rais amesema kuwa ni kweli kuwa kitendo cha mtoto kukojolea Qoran ni kitendo cha makosa lakini vile vile kuvunja makanisa nalo ni kosa hasa kwa kutilia maanani kuwa uharibifu wa kukojolea Qoran ulikuwa tayari unashughulikiwa na vyombo vya ulinzi na usalama wakati makanisa yanaanza kuchomwa.

“Katika hali hiyo basi nawaomba viongozi wa pande zote mbili wawe wavumilivu na wasihamanike kwa sababu mazingira ya sasa ndiyo kipimo cha uongozi na kiongozi akihamanika basi wafuasi wake watahamanika mara 10 zaidi. Waiachie Serikali na vyombo vyake kulishughulikia jambo hili,” amesema Rais Kikwete na kuongeza:

“Kwenye vurumai za kidini hakuna mshindi. Ni shughuli haina tija. Nawaombeni viongozi kuhakikisha kuwa jambo hili haliigawi jamii yetu ambayo kwa miaka mingi imeishi pamoja bila kujali tofauti zao za kidini. Linalofaa kwa sasa ni viongozi wa pande zote kukaa pamoja na kuzungumza namna ya kurejea utulivu, amani na mshikamano.”

Rais Kikwete pia ametembelea Kanisa la Utatu Mtakatifu la Madhehebu ya Anglikana ambako amepokewa na Katibu wa Kanisa hilo, Bwana Albert Mukasimongwa ambaye vile vile amemwonyesha uharibu uliofanywa kwenye Kanisa hilo wakati wa fujo hizo ikiwa pamoja na kuharibu kabisa madhabau.

Rais amemalizia ziara yake kwenye Kanisa la KKKT ambako ameshuhudia kundi kubwa la waumini wakiendelea kusali, kuimba na kulia. Kwenye Kanisa hilo amepokelewa na Mchungaji George Fupe ambaye pia ni Msaidizi wa Askofu wa Jimbo la Dar es Salaam la KKKT aliyewaomba waumini “kutulia na kusikiliza Sauti ya Faraja ya Mheshimiwa Rais.”

Rais amewaambia waumini hao: ‘Jamani poleni sana. Nimekuja kuwapeni poleni kuhusu jambo hilo la kusikitisha, jambo la fedheha, jambo la aibu kabisa, jambo ambalo hatukutegemea litokee katika nchi yenye historia nzuri sana ya uvumilivu wa kidini.

Ameongeza Rais Kikwete: “Ombi langu kwa pande zote ni tulivu tukiongozwa na viongozi wetu. Tusilipize kisasi kwa sababu hilo halitasaidia. Tuviachie vyombo vya sheria vifanye kazi yake. Nawahakikishi eni kuwa yoyote aliyehusika atashughulikiwa ipasavyo na pamoja wale waliowatuma. Nao hawataachiwa.”

Posted by WWW.BAYANA.BLOGSPOT.COM at 12:16 PM